........स्वत:ला शोधता शोधता अंतरमनात सापडलेलं तत्व मी आहे; अस्तित्वातलं ‘असणं’ मी आहे; जाणिवेतली ‘नेणीव’ मी आहे; या अंधारातला ‘प्रकाश’ मी आहे; अग्नि, चंद्र, सूर्य यातलं ‘तेज’ मी आहे; निसर्गातील ‘समतोल’ मीच आहे; अमृतातलं ‘सत्व’ मी आहे; शरीरातला ‘आत्मा’ मी आहे ....... मी ‘सत्य’ आहे!!! या चित्तवेधक संवादाने उपस्थितांच्या मनोभूमित, सत्य संस्काराचं रोपण केलं. पुणे येथील गणेश कलाक्रिडा मंच येथे उपस्थित सुमारे २००० लोकांनी न-खर्‌याची दुनिया या ज्ञानमनोरंजनात्मक कार्यक्रमाचा आस्वाद घेतला.